導游：ok! everybody come out! here is stanley bay. let take pictures here.

（程勝著住解放軍軍裝喺對面岸游緊水過嚟）

導游：hey, everybody come here. look at the illegal immigrant come from Mainland China. come on! come on! follow me! follow me!

鬼佬（拉住程勝膊頭）：hey, don't go away.

程勝：唔好拉我！唔好拉我！唔好拉我！

（鬼佬爭相同程勝影相）

程勝：唔好！唔好影！唔好拉我哩！

（左右騰）

導游：哎呀，唔系拉你，畀啲鬼佬影張相啫。

程勝：有錢畀冇呀？

導游：有嘅。

程勝：喂！

導游：咩呀？

程勝：我重帶咗啲中國嘅出土文物落嚟?。問佢有冇興趣？（喺腰間嘅袋入便扐咗啲假嘢出嚟）

*導游：喂！賣到你抽啲傭畀我呀。

導游（手揸假嘢）：wei! everybody, look at the antique.

*程勝：七千幾年歷史架，呢啲古董呀。（提導游）同佢哋講吖，有美金畀美金，冇美金畀英鎊吖。碌卡都有辦法架。

另一班人：鬼佬！very cheap! very cheap!

程勝：喂！你……

條友：阿勝，你都算卑鄙喇，噉呃鬼佬？

程勝：呢啲唔系叫呃，呢叫食腦。你搶我生意呀，僆仔？

條友：黐線！鬼佬你嘅？（繼續(xù)叫賣）very cheap! very cheap!

差人甲（行過）：喂！有冇搞錯呀？當呢度街市呀？

尖叫聲：走鬼呀！

*條友：快啲走呀！匿埋！

差人乙：哎！由佢啦，總臺call喇！哎，行啦！

（程勝嚇到舂個頭入去啲沙里便）

導游：everybody!……

（程勝上到岸）

程勝：好彩頭先匿得快，唔系斷正。

士多佬：喂！有電話，程勝！

幾條友（異口同聲）：我系情圣，邊個揾我呀？

程勝（舉手）：喺度！揾我嘅。

李力持（喺度搞搞震）：我系情圣，揾我嘅嚇嘩？（接過電話）喂！

程勝：死開你呀，四眼仔！性病有你性！

*士多佬：喂！程生，你重咁滋陰，你條女話要飛你喇。

李力持：家陣我唔夠quali做情圣咩？（擰轉(zhuǎn)頭，李力持即刻走夾唔唞）

程勝：從來只有我阿勝飛人架啫。

士多佬：哦！噉即系話連阿珍嘅電話都唔使聽啦。

程勝（搶過電話，扮曬嘢）：喂！阿珍呀，咩事呀？

阿珍：阿勝呀，我而家要嫁人呀！

程勝：唔系啩？！喂，我愛你架?，你傻咗呀？

阿珍：唔系呀，阿媽話，要揾個有錢老公嫁先得架，講感情系冇用架！

程勝：你講笑咋嚇嘩？喂！有事慢慢講，阿珍。我而家即刻嚟揾你呀。你喺邊呀？�。堪⒄溲�！

旁人（催促阿珍）：快啲啦！快啲啦！

阿珍：我而家要去教堂行禮呀，系噉吖，拜拜�。ㄊ站�）

程勝（跪地）：阿珍，求嚇你你！唔好呀，阿珍！

（程勝飛奔）

（程勝同幾個人爭的士）

程勝：的士！的士！

甲：做咩呀？

程勝：大佬呀，大佬，我趕住去結(jié)婚呀，大佬，喂！

的士司機（嚇一跳）：嘩！

細路（無端端戙咗喺程勝面前，重滿面笑容）：哥哥！哥哥！

程勝：咩事呀，小朋友？

細路：同我開罐汽水吖，唔該。

程勝：冇問題。暫停呀。（開汽水，點知畀汽水噴咗一面）

細路：死喇！媽咪快啲呀，搶到的士喇！

細路媽咪（一腳踢開程勝）：（普通話）走開�。�

（的士開走咗）

*甲：噉樣死喺條細路仔手上，你真丟架！呸！

乙：呸！

丙：呸！

（程勝參加跑步比賽）

啦啦隊：快啲呀！快啲呀！

程勝：有冇紅豆冰呀？

啦啦隊：冇呀，黐線！

（終點）

計分員：快啲呀！快啲呀！

（程勝攞咗第一名）

程勝：阿珍，等埋我呀！

（婚禮現(xiàn)場）

程勝：唔該借歪！阿珍，唔好嫁畀佢呀！

阿水：做咩呀喂，嗰條友？

程勝：阿珍！

新郎哥：唔好理佢，上車。夠鐘喇。

（程勝畀幾條友捉實） 大話 周星馳站 zhouxingchi

程勝：行開呀！阿珍！

（程勝撲上架車）

其他人：快啲上車追佢哋啦。

程勝（猛咁拍車窗，猛咁嗌）：阿珍！阿珍呀！

新郎哥（驚到飛起）：唔好停車呀，呢條友癲架！

（程勝擒上車頂）

（程勝倒豎個頭喺司機面前）

司機：走呀！走開呀！快啲走開呀！走呀！走呀！

程勝：我叫你停車呀！

（架車突然減速，程勝中曬招，撞親嗰度，痛到反艇）

程勝：你咁陰毒！

（程勝打爛車頂車窗，成半個身鉆咗入去）

新郎哥：出返去！出返去呀！快啲出返去呀！出返去呀！

（司機急速掟彎，以為賣甩咗程勝，點知重未完。）

（程勝好頑強地喺車底爬返起身）

（程勝為咗避開啲垃圾筒，無奈跳落車）

（程勝爬返起身，奮力喺后窗飛入架車，果然好身手。）

新郎哥：出去！出去呀！

程勝：阿珍！阿珍！你唔好咁沖動呀！你聽我講，你唔可以嫁畀佢架！

阿珍：點解你唔畀我同佢結(jié)婚?？

新郎哥：點解你要拆散我哋吖？

新郎哥（落車）：傻佬！你揾錯教堂嘞！

程勝（心知大事不妙，猛咁賠罪）：對唔住，老世！我錯呀，老世！我祝兩位白頭到老，永結(jié)同心。

（新郎哥馬仔即時趕到）

新郎哥：我唔想再見到佢！同我打到佢不似人形！

某君：tiger，咬佢！

（程勝慘遭皮肉之苦）

（拳頭如雨點）

*程勝：哎呀！哎呀！打好喇！只狗唔好咬呀！

*阿珍：咪打！等我嚟！

程勝：畀次機會我！

*阿珍（加入戰(zhàn)圈，打埋一份）：仆你個街呀！

（程勝去師父屋企拜訪，帶埋兩樽水做手信。）

程勝（敲門）：師父！

師父（扭衫）：你唔死我死！我同你死過！

程勝：搞咩呀？（用力拉門，師父翻咗個身，然之后仆倒）

師父：哎呀！

程勝：師父你做咩呀？

*師父：乜水呀？你做乜呀？

程勝：哦，抹緊地。

（四位師母喺度打緊雀）

一師母：放心啦，唔死得嘅。

其他三師母：喂！阿勝！

程勝：早晨，幾位師母！

程勝（行埋去師母嗰度）：嘩！自己洗衫呀？洗衣機壞咗咩呀？

師父：有人整緊呀。

（條友失精無神喺個洗衣機里面鉆個頭出嚟，嚇得我）

*條友：啊，兄臺呀，唔該幫手攞啲士巴拿嚟吖。

（程勝遞士巴拿畀佢）

條友：唔該呀。

三師母：喂！阿勝呀，乜咁耐唔見你上嚟嘅？

二師母：系呀。

四師母：唔使啦。

程勝（笑口噬噬）：所以咪即刻蒲頭吖。

一師母（見到程勝拎住兩樽水，重以為系咩郇嘢）：嘩！有好嘢呀？

程勝：有呀。

二師母：啱唔啱我哋使呀？

程勝：二師母你真醒目呀。嗱，我喺大陸經(jīng)過蜀山買咗兩樽神仙水。

二師母：系咩牌呀？

程勝：專畀女人用嘅�？梢宰剃庰B(yǎng)顏。

三、四師母（驚詫）：��！

*程勝：男人重好呀！專治腎虧不舉，起死回生呀。

四師母（異口同聲，異常興奮）：哎呀！真嘅？

*師父：我唔需要呀，留返畀你自己用啦，死仔包！

三師母（聲大夾惡）：你試嚇唔用喇。

四個師母（齊聲）：我哋一定唔放過你呀！洗衫啦！

程勝：我都系為你哋著想架啫。

*二師母：喂喂喂！幾多錢啫？我哋畀你呀。

*程勝（推搪）：唔好！唔好！千祈唔好呀！兩三毫子唔好計佢，大家自己人。

一師母：哎呀！

*程勝：唔好！千祈唔好呀！兩三毫子呢啲無謂呀。

*一師母：噉兩三毫子都系錢嚟架嘛。大家自己人，唔好客氣。（畀咗三毫子程勝）袋返佢喇嚇。繼續(xù)打啦。

三師母：好呀。

四師母：系呀。

程勝：我話兩三毫子呢，其實就即系兩三千。

一師母：得架喇。得架喇。都話大家自己人喇，袋咗佢啦。袋咗佢啦。唔好客氣?。

（程勝冇好氣噉行開咗）

師父（拉住程勝衣領）：死仔包，屈得咁辛苦呀，先屈得個三毫子？

程勝（攤開手板）：要啦。

師父：成日都唔使嚟揾嚇師父，梗系成日掛住溝阿珍啦。

程勝：唔好再喺我面前提阿珍，我已經(jīng)飛咗佢。

師父：點解呀？

程勝：飛佢唔起呀？呢啲噉嘅女仔，貪慕虛榮，水性楊花，下流賤格！

四個師母（齊聲）：邊個講我哋呀？

程勝（拉師父出嚟頂，指住師父）：佢呀。

師父：唔系呀，我哋講緊樓下只狗乸咋嘛。

四師母（同三師母講）：系呀，只狗乸成日勾狗公架。好咸架！

（師父欲舉拳打程勝，程勝喺個袋度扲出一張一千文紙塞入師父袋，師父停曬手）

程勝：慳啲使吖。

師父：噉多謝呀。

（二人出咗房間）

程勝（遞煙）：師父，咪話我話，我喺孤兒院出嚟跟到你而家。

（師父問程勝借火）

程勝：冇，我冇火架。你硬系唔肯過你最精嗰瓣溝女橋過我架。

師父：溝女？你提都唔好提呀。你師父當年就系為咗情仙呢個綽號呀，搞到今時今日咁折墮呀。當年灣仔四大公主我一日就溝到，而家做埋我老婆啦，喺入便打埋牌呀，噉又點樣得架？

程勝：好吖。

師父：好？好話？好我讓曬畀你。

程勝：我意思系好慘呀！

師父：你知咪好啰。所以我哋食腦之人呀，絕對唔可以提個情字，只有一個字，就系錢。為咗錢，我哋一定要做到絕情絕義。

程勝：唔使嚇嘩？

師父：你想唔想出人頭地吖？

程勝：想呀！

師父：想你就要聽師父講，要絕情絕義！

程勝：我明嘞，師父。

師父：你明就最好喇。

（程勝反轉(zhuǎn)豬肚，攞返一千文）

*師父：你做乜咋？

程勝：重有嗰三毫子呢？

師父：吖！你個死仔！

程勝（兩頭望）：速磅，唔好兩頭望呀，僆仔！

師父：我冇兩頭望吖！

*程勝：哎吔，你竄我，光頭佬？！快啲開返三毫子嚟，快啲呀�。ㄗ笥襝aau3，卒之caau3到嗰三毫子，倉促離開）

*師父（揸住欄桿）：好呀，好呀，令代，你已得到我嘅真?zhèn)骼�。他日必成大氣呀�?/p>

（程勝想截的士，畀幾個人搶先）

甲：的士！的士！

甲：喂喂！

乙：我截先架。

甲：我截先架。

*阿婆：喂，我截先架。作死呀？你蝦我阿婆嚇嘩？

（又有一個師奶仔加入戰(zhàn)圈）

師奶仔：我截先架！行開呀！

……

大話 周星馳站 zhouxingchi

（程勝計上心頭，啪斷咗街邊嘅一支鐵枝，揸住佢扮盲。）

（五個人爭到頭崩額裂）

……

程勝：救命呀！唔該，有冇人可以救嚇我呀？唔該。

（程勝扮跌親）

（幾個人停止爭斗，走去扶起程勝）

甲：你冇事嘞嘛？

師奶仔：真系可憐呀！

阿婆：有冇嘢可以幫到你架？

*程勝：冇事！冇事！你哋真系好心呀，唔該曬。哦，我盲嘅，噉我趕住去醫(yī)院呢就系做眼角膜移植手術吖嘛。（行去車尾）點知又揾極都揾唔到車?。（開車門）哎，呢架系咪的士嚟呀？（正想鉆入去之際）

五人：的士？！唔系呀！（將佢掹返出嚟）

*甲（惡揚揚）：盲佬都夠膽同我爭的士？未死過！

（五人打到程勝應應）

甲：插爆佢只眼。

（師奶仔坐收漁翁之利，上咗車）

師奶仔：司機，快啲開車！

乙：哎呀，畀個八婆上咗車添。

甲：真系唔抵呀。

丙：噉又系。

阿婆：噉而家點呀？

乙：點呀？點呀？自己截過啦。（躉低程勝，散水）

（毛毛見到有機可乘，即刻開架車埋去程勝身邊。）

*毛毛：喂！瞇埋眼先生，系咪想截車呀？我車你一程吖。

程勝（面露喜色）：噉，噉點好意思呀？

（車內(nèi)）

程勝：喺香港地真系好難揾到啲咁有同情心嘅人。

毛毛（食住香口膠揸車）：呢度好難截車嘅。幫嚇傷殘人士都好應該架。

程勝：多謝。

毛毛：去邊呀？

程勝：港澳碼頭吖。

毛毛：接人呀？

*程勝：玩玩兩手噉啦。

毛毛：識聽骰嘅？

程勝（大笑）：啊，賭圣咩你估？

（撞啱紅燈，架車停咗落嚟）

（毛毛喐手撻程勝身上啲錢）

（程勝忽然擰轉(zhuǎn)頭，毛毛嚇咗一跳）

（毛毛揾只手喺程勝面前抰嚇抰嚇，證實程勝系盲嘅，睇唔到嘢嘅。噉就繼續(xù)做嘢。）

程勝（突然彈起只手）：啊，而家?guī)�點呀而家？請問。

毛毛（睇表）：兩點半。

程勝：哦，重趕得切。重趕得切。

（轉(zhuǎn)咗綠燈，后面架車嘟嘟聲噉嚟催促毛毛開車）

程勝（大嗌）：哎呀！架車系咪開緊架？

毛毛：系呀。

程勝：我多口問句咋嘛。

毛毛：開緊架。

程勝：快啲得嘛？

毛毛：好呀。好呀。

程勝：唔該。

（毛毛開動架車）

（毛毛將架車懟去行人道嗰度，然之后停低架車，搞到好似撞車噉嘅樣。）

毛毛：哎吔！

程勝：what happen呀？

毛毛：我車到人?。

毛毛（落車）：點呀？你見點呀嚇？（一個人做曬兩個人嘅戲，又扮自己又扮阿婆）哎呀，阿婆，你見點呀？

*“阿婆”：好痛呀，你又車斷我只腳，一地都系血，快賠錢來。

毛毛：哎呀，我唔夠錢添。你等等嚇。先生，你可唔可以借住少少錢畀我賠畀人呀？

程勝：配畀邊個呀？

毛毛：我車到嗰個阿婆啰。

程勝：我睇睇佢。（落車）

毛毛：嚇？

程勝：阿婆！阿婆！你喺邊呀？

毛毛（扮阿婆）：好辛苦呀，好辛苦呀。賠錢呀！快賠錢呀！

程勝：阿婆！阿婆，你見點呀？

“阿婆”：好辛苦呀！哎呀！

程勝（摑咗毛毛一巴）：使死唔使呀？

*“阿婆”：快呀！快呀！你快啲賠錢呀，我揾差人拉你架！

程勝：系?，差人都未嚟呀，等差人嚟至算啦。

*“阿婆”：差二！差二！有差二來呀。差二呀！差二！

程勝：喺邊呀？

毛毛（又扮差婆）：我系差人！阿婆，點解你斷手斷腳一地都系血架？盲佬，你車到人快賠錢嘞?。

程勝：唔賠得嘛？

“阿婆”：唔賠我拉你架，你唔驚呀？

程勝：拉我唔驚架?，唔使死啫。你唔會即刻槍斃我嚇嘩？你估你解放軍呀？你揾解放軍嚟我就驚嘞。

毛毛：咁啱，解放軍嚟添。

程勝：唔系嘩？

毛毛（扮解放軍）：（普通話）他xx的，盲佬，你在這里干什么？

*毛毛（做返自己）：個盲佬車倒人哋唔賠錢?。

毛毛（扮解放軍）：（普通話）賠錢！他xxxx的，不賠錢一槍baang6瓜你！

程勝：我唔識聽國語架?。

*毛毛（扮阿婆）：個解放軍話叫你賠錢，唔賠錢一槍baang6瓜你話！

毛毛（扮解放軍）：（普通話）干你娘的！快賠錢！不賠錢一槍baang6瓜你！

*程勝：都唔驚架?，你一槍打我即死都冇乜所謂架?。除非你揾只狗嚟慢慢咬死我我就怯嘞。

毛毛：有頭狗！

程勝：冇咁蹺啩？

（毛毛扮狗）

程勝：講咩呀，狗？

毛毛（扮狗）：我話叫你快啲賠錢，如果唔系就咬死你呀。

程勝：唔好啩。（除咗副眼鏡）監(jiān)生畀你咬死好凄涼架噃。

*毛毛（恍然大悟）：哦，原來你扮盲嘅嚟呃我！

*程勝：系呀。我只系識扮盲架咋，其他狗呀噉嘅嘢，蛇蟲鼠蟻呀全部都唔曉嘅。（撐住根盲公竹走咗去）

毛毛（追上）：先生，既然大家都系扮嘅，噉即系大家都系食腦架啦。

*程勝：我就食腦嘅，你就扮狗嘅。大家分清楚條界線好。

*毛毛（拉住程勝）：先生，我欠咗班貴利好多數(shù)呀。如果我重唔還錢畀佢哋，佢哋揾人嚟拉我架嘞。

（毛毛喊咁口）

程勝：揾滴眼淚睇嚇有冇呀？

毛毛：有架。你等等呀。

程勝：等到幾時呀？

*毛毛：等陣就有嘞。

*程勝（笑毛毛唔夠水準）：你噉嘅程度去考藝員訓練班都唔收你。噉樣學人出嚟揾食？有冇搞錯呀？使唔使我過條靚橋過你呀？陰功！

毛毛：好呀。

程勝：嗱！而家呢條馬路啦，你求祈揾架車，沖出去詐假意畀架車撞倒。（走去馬路中央）跟住乘機有得屈啰。（咁啱畀架車撞到）

毛毛：小心呀！

（架車撞爛咗，程勝冇事）

毛毛（走去馬路中央）：你見點呀？

程勝：學嘢呀，細佬。

程勝（大喝一聲）：喂！我只腳斷咗?。點解救呀？

（個司機落車，身材魁梧到高程勝半個身位咁多）

司機：靚仔，我架車都撞爛咗?。噉又點計呀？

程勝：好易計啫。（喺個袋度攞咗兩千文出嚟）呢一千文系我賠畀你架車。（畀咗一千文佢）呢一千文系我仰慕你請你買嘢食。（畀多一千文）

司機：噉你只腳都斷咗?。

*程勝（笑）：傻啦，我唔小心過馬路，應該畀你車死架嘛。你凈系車斷我只腳，我都唔知點感激you。扶我去醫(yī)院。

（架車開走咗）

程勝：辛苦曬喇！一路順風！

毛毛：頭先嗰條橋好似好似好似好似……

程勝：好嘢哩？

毛毛：��？

*程勝：又過多招畀你喇。鐘意可以揸架車喺馬路度，睺嚇睇嚇有冇戇居佬，盲舂舂舂出馬路嗰啲呀。一架車就懟埋去，懟完佢重要屈。你見我頭先畀人屈得幾成功呀。就知系曠世絕橋嚟吖。

毛毛（萬分仰慕）：啊，阿哥，你用橋真系出神入化，佩服佩服！

程勝：佩服就交學費呀。頭先口述五千，親身示范一萬，加埋萬七。

毛毛：加埋好似萬五咋?。

程勝：咪即系我畀人屈嗰兩千唔計呀？你唔好詐詐諦呀！

毛毛：冇錢呀。

程勝：冇？

毛毛：我冇錢架，我真系冇錢架！

程勝：唔好扮嘢呀！唔使畀錢呀？快啲呀！

（程勝攞咗毛毛個包出嚟，caau3勻都揾唔到錢）

毛毛：冇哩，唔使caau3，我真系冇錢架。

程勝：住喺邊呀？返屋企攞呀。 大話 周星馳站 zhouxingchi

（背景音樂略帶悲傷）

*毛毛：我冇屋企架，冇人理我，我條仔又撇我，剩返我孤苦伶仃咩都要靠自己架。我剩返一只表，系我媽臨死之前留畀我嘅。（除低手上只表）我當畀住上期先啦，我屈到再畀你吖。我屈到以后贖返架。

程勝：過主！過主！當我唔好彩�。ǔ虅賰雍脷鈬n行開咗）

毛毛：唔該曬呀！唔該曬呀！

（程勝聽到身后有架嘎然而止，原來就系毛毛嘅貴利佬）

馬仔甲：死八婆！我揾你好耐喇。你好還錢喇！

（毛毛嚇到冇鞋挽屐走）

馬仔甲：咪走呀！喂！

馬仔乙：企喺度呀！

（毛毛畀班友迫到入一個倔頭巷里面）

馬仔甲：重捉唔到你？

毛毛：唔好吖！

馬仔乙：咪嘈呀！

馬仔丁：老世！

*排骨（揢住只腳）：戇居！

馬仔甲：行快啲！

排骨：死八婆！唔還錢，重想走？教訓佢！

程勝（又試扮盲）：你哋做咩呀？喂！好放咗我女朋友咯?。唔系我報警架！

排骨（笑）：揾個盲佬做你條仔？你cheap唔cheap啲呀？（走去對付程勝）玩嘢嚇嘩？你個死盲佬！（撲空）

程勝：嗱，唔好再嚟喇！

排骨：ada! 企喺度！唔好喐！ada! ado! ada! ado! ada! ada!

（程勝避過曬啲拳腳）

（排骨一個起飛腳誤中自己友）

（程勝副眼鏡跌咗落地）

排骨：噉你都避到？好嘢嚇！死盲佬，有啲料到噃！

大話 周星馳站 zhouxingchi

（程勝轉(zhuǎn)身，翻白眼）

排骨：唔通你就系……

程勝：冇錯，（擺個讕瀟灑嘅姿勢出嚟）我就系盲俠。

馬仔乙：盲俠？

排骨：你好嘢，盲佬！撇嘞！（撤退）

（點知馬仔乙一個屈尾十，返轉(zhuǎn)頭將程勝ung2落地，搞到程勝穿曬煲，今次斷正。）

*馬仔乙：去死呀！哦！好大嘅眼呀！大佬，佢睇到嘢架。

毛毛：做乜今次避唔到架？

*程勝：掛住扮吖嘛。

排骨：返去等大佬慢慢搞掂。

（貴利公司）

（貴利王揸住把日本武士刀，一下將馬仔頭上嘅蘋果切開兩半，馬仔嚇到標曬汗。）

馬仔（猛咁擦鞋）：嘩！老世，好犀利呀！老世，好嘢！真系刀法如神，出神入化，佩服呀，老世。好嘢！好嘢！做咩呀，老世？

貴利王：使乜咁驚呀？抹嚇啲汗啦。

馬仔：頭先真系有少少驚呀，噉都畀你睇得出呀？老世，好嘢！

貴利王（走去門后面）：呢把刀，系三島由紀夫曾經(jīng)切腹用過。切腹，系需要無比嘅勇氣。（度門突然畀人打開，貴利王一聲慘叫）

（排骨同幾個馬仔帶住程勝、毛毛入?yún)鴩�。�?/p>

排骨：大佬呢？

馬仔：喺嗰便呀。

（貴利王扮嘢）

排骨：��？大佬！邊個懟冧你？講畀大佬聽，等大佬同你報仇。講畀大佬聽，邊個懟冧你？

（貴利王慢慢抽出把刀，原來冇事。）

排骨（笑）：連大佬都玩?。衰仔呀，同我開玩笑。（同貴利王搭曬膊頭）

貴利王（咬耳仔）：如果你唔系我親大佬，我早就懟冧你嘞。

*貴利王（見到程勝同毛毛）：呢兩條友又系做咩架？

排骨：條八婆唔肯還錢，重揾條仔出頭添。

毛毛：隨便坐呀，隨便坐呀，唔好客氣。

程勝：唔好客氣。

毛毛：坐呀。坐呀。

程勝：其實呢我……

（兩個人畀馬仔乙扚返起身）

程勝：其實我就唔系佢條仔嚟嘅，大家誤會啫。

貴利王：我唔理你邊個打邊個，噉有冇錢還吖？

毛毛：有，我有，我遲啲還畀你啰。

貴利王：即系冇啦。扚佢去影相。

馬仔乙：去影相呀。

*程勝：你而家算點先？呢啲唔關我事架嘞。無端端拖埋我落水。

馬仔：望鏡頭吖。

（程勝同毛毛擺咗讕型嘅姿勢）

程勝：無端端拖埋我落水。累死呀，呢鑊真系！

毛毛：你聽我講，我真系冇哩。

*貴利王：八婆！我畀多七日時間你，如果冇錢還嘅。（將幅相切開兩半）就好似呢幅相噉，好自為之呀！

毛毛：張相影得好靚呀，睇嚇。睇嚇。

程勝：甫士擺得幾好呀。

*毛毛：系呀！系呀！

貴利王：趕佢哋走！走啦！

馬仔乙：行呀！

程勝：咪住，其實噉呀，我唔識，我唔識佢架喂。

排骨：走！走！走！

貴利王：你都走！

（排骨走埋）

馬仔：大佬呀，里便條友肯認嘞。

貴利王：扚佢出嚟吖。

發(fā)哥：嘩！焗死人咩？（坐低）

貴利王：整容都整得幾掯架?，焗咗成三個鐘頭都冇走樣？而家肯認嘞咩？

發(fā)哥：認！認！認！我認呀。

貴利王（睇凌萬峰張相）：以前個樣咪幾好？做乜整到而家噉嘅衰款呀？

發(fā)哥：我都系走頭無路，焗住噉做啫。筆數(shù)就有呀。

貴利王：噉即系冇得還啦。

發(fā)哥：哦，唔系，我實有得還嘅。大弟哥呀，通融多幾天啦。

貴利王（搭住膊頭）：嗱，大家咁熟，咪話我唔關照你呀。而家有單郇嘢益你嘅。

貴利王：呢間屋嘅屋主去咗度假，要成個月先返嘅。

（凌萬峰翻睇本書）

貴利王：你就同我入去攞曬啲古董畀我。

發(fā)哥：喂喂喂！噉點得呀？噉咪即系叫我偷嘢？我……我系食腦架嘛。

貴利王：同我扚佢入去焗多幾個鐘。

*馬仔：系嘅。等我嚟。

凌萬峰（耍手擰頭）：唔好！唔好！大弟哥，有商量！有商量嘅。

貴利王：系咯，啲古董就歸我，啲家私就歸你，你賣咗出去咯，噉咪有錢還返畀我啰。

發(fā)哥：不過，間屋咁大，一定有賓妹架?。

貴利王：你食腦架嘛。你得架啦。掂呀！一于系噉呀。

（街邊）

程勝：我做錯咗啲乜嘢？我做好心啫，都要搞成噉？

*毛毛：對唔住呀，我有機會報答你吖。

程勝：我唔想再見到你，你同我彈開。彈開！即刻彈呀！彈快啲呀！

毛毛（轉(zhuǎn)身走）：哦！哦！哦！

程勝：喂！

（毛毛停曬腳）

*程勝：死八婆，你咁冇義氣呀嘩你？你夠膽就噉走咗咩你呀？你幫我搞掂返佢呀。而家你冇錢還，斬你斬埋我架，大佬呀。

毛毛：我對你唔住呀，我將功贖罪吖。

程勝：你點將功贖罪呀？

毛毛：我明嘞。

程勝：你明乜嘢呀你？

毛毛：我識做架。

程勝：你識做乜嘢吖？

毛毛：我即刻做吖。

程勝：喂！

（毛毛企喺馬路中央，搞到啲車連環(huán)相撞）

（毛毛爬上頂頭架車）

司機甲：喂！你有冇搞錯呀？你點揸車架？

*司機乙：我都唔想架。系無端端舂出嚟?。

……

*毛毛：哎呀！撞斷人只腳呀。賠錢呀！快啲賠錢呀！斷咗只腳呀！落咗落地喇！哎呀！賠錢呀！快啲呀！

司機甲：八婆，你做咩呀？

毛毛：賠錢呀！賠錢呀！

程勝：賠咩呀？（一把拉咗毛毛走夾唔唞）

司機甲：咪走呀！追佢呀喂！我架車夠爛曬啦。

程勝：雖然你系蠢，低b，戇居，發(fā)型又老土，著衫不知所謂。重要冇波冇身材。但我念在你幾有姜呀，個鼻又幾高。畀你跟我學嚇嘢呀。

毛毛：多謝！多謝！

程勝：記唔記得頭先同你講嘅計劃？（戴返頂帽）

（兩個人鬼鬼鼠鼠）

毛毛：喂！喂！噉我哋入去偷嘢，算唔算系做賊架？

*程勝：屋里面冇人呢就系做賊，有人就系叫食腦。嗱，做任何嘢呢，至艱難嘅就系第一步嘅，而家我哋點樣令到人哋肯畀我哋入去屋里便呢？呢下就講求高度嘅智慧同無比嘅勇氣呀。

毛毛：我有呀。

程勝：呢兩樣嘢就系你最缺乏嘅。睇我點做。撳鐘。

（毛毛撳門鐘）

程勝：睇做戲吖。

（有人應門）

條友（一身住家男人打扮）：入嚟呀，入嚟呀，嚟呀，嚟呀。

程勝：我哋嚟……

條友：噓！——

條友：快啲吖！入嚟呀！

（兩個人入去間屋）

條友：你哋嚟做咩呀？

程勝：我哋接到投……

條友：噓——，（條友個肥老婆食食嚇嘢瞓著咗，成身污糟邋遢）千祈唔好嘈醒我老婆呀。

程勝、毛毛：哦！

毛毛：我哋接到投訴話你呢度好似系漏煤氣?，系咪呀？嚇？嚇嘩？

（程勝造馬，喺條友身后噴嘢，條友木知木覺。）

條友：系呀，系呀，系呀，好大朕味呀，跟我入廚房呀。

程勝（吩咐毛毛）：睇嚇周圍有冇值錢嘢吖。

毛毛：哦，知道。

（廚房）

條友：個掣喺度呀。

程勝：系嗎？

條友：點呀？情況點呀？

程勝：幫我撳住先。

條友：哦，好呀。

程勝：聽唔聽到吱吱聲？（喺條友身后噴嘢）

條友：系呀，系呀。重好大朕味添呀。

程勝：漏氣嘅情況好嚴重，我要即刻班救兵嚟。（出門）千祈唔好放手呀！

（毛毛好心做壞事，畀程勝誤會咗佢，以為毛毛殺咗條女。）

程勝：喂！你唔系？

*毛毛：哎！頭先好危險呀。佢拎住把刀呀。噉我哋呢……

（程勝嚇到揞住塊面）

毛毛：唔使驚，趁而家未有人發(fā)覺，我哋快啲揾啲嘢走喇嚇。

程勝：你都唔使殺佢架。

（毛毛突然間傻笑起上嚟）

*程勝：你重笑得落你？你咁狼毒你！我畀你累死嘞，死八婆！

（程勝將毛毛ung2埋一便，咁啱撞暈咗條友）

（程勝重以為條友死咗）

毛毛：哎呀，我點會……

程勝：你有冇搞錯呀？連續(xù)懟冧兩件？我要報警。

毛毛：哎！哎！哎！你合埋口聽我講先啦。

程勝（猛摑毛毛）：重有乜嘢好講呀？你重有乜嘢好講呀？你系咪重累我唔夠呀你？

*毛毛：我揸住把刀架。

程勝：你重想殺埋我？

（程勝叉住毛毛條頸）

（掙扎中程勝唔小心踹到電視遙控器，開咗電視機，電視聲嘈醒咗個肥婆）

肥婆：你兩個做咩呀？老公，佢兩個入嚟做咩架？

條友：佢哋嚟整……整煤氣架。

程勝：啊，系呀，我哋整煤氣嘅，我哋。

肥婆：噉整好未呀？

程勝：我整好嘞，你呢？

（毛毛點頭）

（毛毛擺低把刀）

程勝：噉走嘞。打攪曬呀，唔該。（走）

條友：唔該。

肥婆：你個衰佬吖，無啦啦放兩條友入嚟？你作死呀？死呀！

（程勝揸車）

程勝：點解頭先你唔同我講呢？

毛毛：你一路叉住人條頸?，合唔埋口點講啫？

程勝（口唔喐都講到嘢）：邊個話講唔到嘢呀？唔好話你蠢？又少日時間撲水呀。睇嚟都要落啲本。聽日嗱嗱聲去買兩張葉倩文演唱會飛吖。

毛毛：點用呀？

程勝：攞嚟擺落人哋嘅信箱度，啲人梗系貪小便宜架嘛。見到無端端有飛咯，重唔成家人撲曬去睇演唱會咩？噉間屋就變咗冇人，冇人就系我哋世界喇。

毛毛：間屋冇人咪即系做賊？

程勝；噉系我食腦令到間屋冇人吖嘛。所以依然都系食腦。

毛毛：目標呢？

程勝：就呢間呀。（生滋貓入眼）

（兩個賓妹畀個賓仔使咗去旅行，搞到間屋冇曬人。）

（發(fā)哥出現(xiàn)，攞起賓仔擺喺門口嘅鎖匙，一架車隨即趕到，車身寫�。赫信清潔服務公饲G